Vllaznia fiton Klasiken! I bashkohet kreut dhe zhyt Tiranën në zonën e rënies nga kategoria
Vllaznia ka arritur një fitore të rëndësishme në derbin ndaj Tiranës, duke përmbysur rezultatin me dy gola të Bekim Balaj në minutat 51 dhe 84, pas një golit të Haxhiut për Tiranën në minutën e 13-të.
Trajneri i Vllaznisë, Thomas Brdaric, u shpreh i kënaqur me performancën e skuadrës, duke theksuar se ishte një ndeshje e bukur dhe se ndryshimi në pjesën e dytë e mundësoi fitoren.
Ai gjithashtu përgëzoi portierin Jukaj për pritjet e tij të shkëlqyera dhe u shpreh optimist për zhvillimet e mëtejshme. Bekim Balaj, autori i dy golave, shprehu mirënjohjen e tij për tifozët dhe theksoi rëndësinë e punës së palodhur për të arritur suksesin.
Nga ana tjetër, trajneri i Tiranës, Gugash Magani, e vlerësoi pozitivisht pjesën e parë të ekipit të tij, por theksoi se humbjet e mundshme të mund të ishin evituar me kujdes më të madh.
Ai premtoi se do të analizonte ndeshjen me qetësi dhe nuk do të dorëzohej, duke pasur parasysh momentet e vështira që po kalon skuadra.
Pas këtij rezultati, Vllaznia renditet e dyta në tabelë, duke barazuar me Dinamon, ndërsa Tirana mbetet në vendin e parafundit.