VIDEO/ “Po vij t’ju q**, kurva”, shqiptarët po jetojnë në kushte çnjerëzore në burgjet e Korfuzit!
Shqiptarët që ndodhen në burgun e Korfuzit kanë organizuar protesta për të drejtat e tyre.
Ata pretendojnë se ndodhen në kushte skandaloze dhe se diskriminohen ngaqë janë shqiptarë dhe në burg nuk i plotësohet asnjë kusht i të drejtave themelore të njeriut, si ushqim, ujë dhe të drejtat ligjore për marrjen e lejeve dhe lirimeve me kusht nga burgu.
Sipas tyre ata trajtohen ndryshe nga të burgosurit e tjerë që janë grekë të cilët sipas tyre kanë privilegje.
Në shenjë protestë një i burgosur shqiptar ka djegur qelinë e tij. Pas këtij veprimi është dhunuar nga gardianët dhe është kërcënuar me jetë.
Pamjet tregojnë edhe kushtet e rënda të burgut të Korfuzit ku ndodhen shqiptarët. Ata kërkojnë që ministria shqiptare e drejtësisë dhe ambasada shqiptare në Greqi të ndërhyjë për të drejtat e tyre.
Të burgosurit në burgjet e Korfuzit po raportojnë kushte çnjerëzore paraburgimi, keqtrajtim sistematik dhe tortura. Tensioni në burg vazhdoi të martën në mëngjes, me të burgosurit që u vunë flakën dyshekëve në oborrin e burgut.
Të burgosurit i nënshtrohen dhunës së tepruar edhe për gjënë më të vogël. Ata transferohen në qeli disiplinore ku oficerët e burgut i poshtërojnë dhe i rrahin, ndërsa fenomeni i terrorizmit është i shpeshtë me disa nga oficerët që enden jashtë qelive dhe bërtasin fraza kërcënuese, të tilla si “Po vij t’ju q**, kurva”.
Në një incident tronditës, ata raportuan se e lidhën një të burgosur me litar nga qafa dhe e tërhoqën zvarritën përpara qelive si “shembull” përpara se ta mbyllnin në izolim.
Lufta psikologjike dhe torturat vazhdojnë me dritat që ndizen çdo orë gjatë gjithë natës, duke i zgjuar të burgosurit për të kontrolluar praninë e tyre në qeli, ndërsa qasja në shërbimet bazë është inekzistente, siç ankohen të burgosurit.
Uji i pijshëm ofrohet vetëm një deri në dy orë në ditë, kështu që nëse dikush nuk ka para për të blerë ujë të ambalazhuar, ai ka qasje jashtëzakonisht të kufizuar në ujë të pijshëm.
Siç ankohen ata, kujdesi mjekësor mungon. Edhe pse ofrohet një dentist, nevojat nuk plotësohen dhe të burgosurit detyrohen të rregullojnë dhëmbët vetë.
Nuk ka mjek të përgjithshëm dhe gjithmonë ka pasur një boshllëk të madh në numrin e psikologëve dhe punonjësve socialë. Për një analgjezik të thjeshtë (depon), ata pothuajse duhet të “lypin” çdo ditë, pa asnjë garanci se do ta marrin atë, ndërsa shumë prej tyre shprehin shqetësime serioze për rritjen e vetëvrasjeve në një burg kaq të vogël.