VIDEO/ Debutim i çmendur i Lionel Messi me Inter Miami, gol spektakolar nga 25 metra
Debutim ëndërrash për Lionel Messin me fanellën e Inter Miami.
Sulmuesi argjentinas i hedhur nga stoli në minutën e 54-të ishte fenomenal për skuadrën nga Majemi duke shënuar golin e fitores 2-1 në duelin me Cruz Azul. Diferenca në fushën e lojës ishte e dukshme e Inter Miami kundrejt skuadrës meksikane, në duelin e vlefshëm për Kupën e Ligës për zonën e Amerikës qendrore dhe veriore.
Messi ekzekutoi me mjeshtëri një goditje nga dënimi nga rreth 25 metra, për të ekzaltuar mbi 20 mijë spektatorët në shkallët e stadiumit dhe miliona në shtëpitë e tyre. Festa ishte e madhe, me Messin që nuk kurseu as përqafimet për familjen.
“E dija se duhej të shënoja. Ishte fundi i sfidës dhe duhej të shënoja për të shmangur penalltitë” tha Messi shkurtimisht pas sfidës.
Debutimi i Messit te Inter Miami mbërriti 16 vite pasi Beckham luajti ndeshjen e tij të parë në MLS me Los Angeles Galaxy. Në këtë duel luajti edhe blerja e re, Sergio Busquets, me spanjollin që vendosi ekuilibrat në mesin e fushës, duke ndihmuar Inter Miami për të shkuar tek fitorja.
LIONEL ANDRÉS MESSI IS NOT HUMAN. pic.twitter.com/2mBDI41mLy
— Major League Soccer (@MLS) July 22, 2023