Vëzhguesi i OSBE-ODIHR, Michael Gahler: Shqipëria nuk do të futet në BE kështu siç është sot! Të gjithë aktorët të marrin seriozisht rekomandimet
Michael Gahler, vëzhgues i OSBE-ODIHR në zgjedhjet parlamentare të 11 Majit, ka dhënë një deklaratë të fortë lidhur me ecurinë e Shqipërisë drejt integrimit në Bashkimin Europian.
Ai theksoi se vendi nuk do të mund të futet në BE nëse nuk adreson seriozisht rekomandimet e bëra nga vëzhguesit ndërkombëtarë për përmirësimin e procesit zgjedhor dhe respektimin e standardeve demokratike.
“Rekomandimet dhe këto që do të vijnë nga Parlamenti Europian unë absolutisht që do sugjeroja që aktorët e interesuar këtu, por do të doja ë kisha konsensus të gjerë të partive politike, për përmirësimin e procesit zgjedhor.
Kjo është një nga aspektet qe çon drejt BE. Çështja të tjera që përmendët që kanë të bëjnë me korrupsionin, të tjera gjëra që shkojnë përtej zgjedhjeve sigurisht që do të adresohen të jeni të sigurt. Ky vend nuk do të futet në BE kështu siç është sot, ama ka shumë gjëra që mund të përmirësohen dhe zgjedhjet janë të rëndësishme. Unë rekomandoj me forcë të gjithë aktorëve përkatës t’i marrin rekomandimet seriozisht”, tha ai.