U qëllua me plumb në bark nga babai, detaje nga krimi në Lushnje, 40-vjeçarja në gjendje kritike për jetën
Detaje të reja kanë dalë në dritë nga krimi i rëndë që tronditi qytetin e Lushnjes pasditen e kësaj të diele, ku 82-vjeçari Behar Musaku qëlloi me armë gjahu vajzën e tij Rudina Musaku 40-vjeç dhe më pas vrau veten.
Burime bëjnë me dije se 40-vjeçarja ishte divorcuar tre vjet më parë nga bashkëshorti i saj, dhe kishte vetëm një javë që kishte shkuar të jetonte te shtëpia e babait të saj në Lushnje. Ndërkohë nga martesa gruaja kishte edhe dy fëmijë të cilët jetonin me babanë e tyre në Berat.
Nuk dihet ende se cilat janë shkaqet e ngjarjes së rëndë, ndërsa nga raportimet paraprake bëhet me dije se mes të moshuarit dhe vajzës së tij ka patur një konflikt të çastit. 40-vjeçarja aktualisht ndodhet në spital, ku raportohet se plumbi i ka prekur barkun dhe ndodhet në gjendje kritike për jetën.