U konfliktua dhe tentoi të përdhunojë 23-vjeçaren në Durrës, arrestohet nga policia akuzohet për shfrytëzim prostitucioni
Policia në Durrës ka arrestuar 39-vjeçarin nga Shijaku, që disa kohë më parë u konfliktua me një vajzë të re nga Barcelona.
Efektivët e Policisë së Durrësit lajmërojnë se pas hetimeve intensive të zhvilluara, rezulton se shijakasi ka shfrytëzuar për prostitucion shtetaset e huaja në një hotel të qytetit bregdetar.
Njoftimi i policisë:
Vijojnë hetimet e thelluara për të nxjerrë përpara përgjegjësisë penale, shtetasit e implikuar në një rast prostitucioni, të goditur nga Policia, më datë 6 mars 2024.
Vihet në pranga 39-vjeçari që u konfliktua me 23-vjeçaren nga Barcelona.
Ai akuzohet se shfrytëzonte për prostitucion, këtë shtetase dhe 4 të tjera të huaja, në një banesë me qira, në lagjen nr. 2, ku gjithashtu konsumoheshin lëndë narkotike.
Si rezultat i veprimeve hetimore, të kryera në drejtimin e Prokurorisë së Durrësit, për të përcaktuar plotësisht autorësinë dhe rrethanat e mbajtjes së një banese në lagjen nr. 2, Durrës, për prostitucion dhe për konsumim të lëndëve narkotike, specialistët e Seksionit për Hetimin e Trafiqeve të Paligjshme të DVP Durrës ekzekutuan urdhrin e Prokurorisë, për ndalimin e shtetasit I. Z., 39 vjeç, banues në Shijak.