Surprizë emocionuese për Eglin/ Takon të motrën dhe i jep këshilla: Hapi sytë! Ndërhyn Gjesti, kërkon që të…
Një moment plot emocione ndodhi gjatë Prime-it të së shtunës, ku banorja Egli pati një takim të veçantë me motrën e saj, Ejona. Takimi u shoqërua me këshilla të ndjera dhe mbështetje emocionale, duke prekur thellë jo vetëm Eglin, por edhe publikun.
Ejona e përqafoi motrën me fjalë mbështetëse: “Siç jam unë e para për ty, edhe ti je e para për mua. Kur të shoh që fle në sauna, ndihem shumë keq. Ne jemi mësuar të marrim vetë vendimet për veten tonë. Hapi sytë, kur do veten fortë, të duan edhe të tjerët.”
Egli u shpreh se ky gjest ishte shumë domethënës për të, duke theksuar: “Ky është një gjest i mirëfilltë, jo si disa të tjerë këtu që të pinë gjakun si vampirë. Ti ke shumë të drejtë në disa gjëra.”
Pas këtij takimi prekës, edhe banori Gjesti kërkoi të takohej me motrën e Eglit për t’i kërkuar falje për sjelljet e tij ndaj saj. “Të kërkoj shumë falje, edhe familjes së saj i kërkoj ndjesë,” tha ai, duke shprehur pendesën për çdo lëndim të shkaktuar.
Ejona i dha edhe atij një këshillë të sinqertë: “Je dakord që duhet të jesh vetja në fillim? Ajo e di, i kam thënë të shkojë, të kënaqet dhe ta shijojë këtë eksperiencë. Me lot nuk shijohet.”
Gjesti e përfundoi me një tjetër kërkim falje: “Të kërkoj falje personalisht. Nëse ndonjëherë lëndohet, janë gjëra që ndodhin, se njerëz jemi.”
Ky moment i sinqertë solli emocione të forta dhe një mesazh të qartë për rëndësinë e mbështetjes familjare dhe reflektimit personal.