Spanja në finalen e Euro2024, Yamal e Olmo eliminojnë mes emocionesh Francën

Për herë të pestë në histori, Spanja është në finalen e Kampionatit Europian.

Iberikët bënë mrekullinë kundër Francës për të koleksionuar fitoren e gjashtë në këtë turne. Në stadiumin e Mynih u zhvillua një 90 minutësh spektakolar, me ritëm dhe që prodhoi 3 gola, me ekipin e Luis de la Fuente që arriti të triumfojë me shifrat 2-1. Ishte Franca ajo që kaloi e para në avantazh pas 8 minutave lojë, për të krijuar iluzionin e një fitoreje komode të “gjelave”.

Kolo Muani përktheu në gol krosimin e Kylian Mbappe, duke u ngjitur në kuotën e 5 rrjetave personale me kombëtaren dhe të parin e Francës me aksion të rrjedhshëm në Euro2024. Por reagimi i Spanjës ishte i frikshëm, teksa shënoi dy herë në harkun e 4 minutave lojës. Lamine Yamal vendosi ekuilibrat e shifrave pas këtij goli spektakolar në të 21-ën minutë.

Realizim që e bën talentin spanjoll futbollistin më të ri që shënon në një turne të madh ndërkombëtar mes Europianit dhe Botërorit. Ylli iberik shënon golin e parë në karrierë në Europian, në moshën 16-vjeç e 362 ditë, për të thyer një rekord që mbahej nga legjenda e ndjerë Pele. Në të 25-ën, Olmo bëri gjithçka në perfeksion në zonë dhe pasi dribloi Tshuamenin lëshoi të djathtën e cila para se të përfundonte në rrjet gjeti devijimin e mbrojtësit Kunde.

Një gol që ndezi sfidën, me skuadrat që krijuar raste të tjera shënimi në minutat e mbetura. Gjithsesi pavarësisht shanseve, as Mbappe në krahun e Francës apo edhe Yamal e Ëilliams te Spanja nuk arritën që të ndryshonin rrjedhën e sfidës. Tashmë sytë e iberikëve drejtohen nga Dortmundi, aty ku do të dal finalisti tjetër i edicionit të 17-të të Europianit mes Holandës dhe Anglisë.

Check Also

Ekzekutoi shqiptarin në Greqi në 2010, arrestohet pas 14 vitesh Dritan Hoxha

Pas 14 vitesh në arrati është arrestuar Dritan Hoxha, i akuzuar për vrasjen e bashkatdhetarit …

Leave a Reply

Your email address will not be published. Required fields are marked *