SPAK merr të pandehur drejtorin e ARRSH Gentian Gjyli për shkelje të barazisë në tendera, shtyn kameramanin pas daljes nga Prokuroria
Drejtori i Autoritetit Rrugor Shqiptar (ARRSH), Gentian Gjyli, është marrë zyrtarisht i pandehur nga Prokuroria e Posaçme Kundër Korrupsionit dhe Krimit të Organizuar (SPAK), nën akuzën për shkelje të barazisë në tendera.
Gjyli u paraqit sot në ambientet e SPAK, ku u njoh me akuzat ndaj tij, ndërsa pas daljes nga prokuroria, shtyu një kameraman që po e filmonte, duke shmangur përgjigjet ndaj pyetjeve të gazetarëve.
Hetimet përfshijnë gjithashtu edhe disa anëtarë të Komisionit të Vlerësimit të Ofertave, të cilët dyshohen se kanë bashkëpunuar në shkeljen e rregullave të prokurimeve publike, duke ngritur pikëpyetje mbi transparencën dhe integritetin në ndarjen e fondeve publike për investimet infrastrukturore.