Sondazhi i Institutit Republikan Amerikan: Edi Rama, politikani më i besuar nga shqiptarët me 35%, Berisha ndjek me 14%

Një sondazh i fundit i publikuar nga Qendra e Institutit Ndërkombëtar Republikan (IRI) tregon se kryeministri Edi Rama është politikani më i besuar nga shqiptarët, duke kryesuar me 35% të mbështetjes. Në vend të dytë renditet kryetari i Partisë Demokratike, Sali Berisha, me 14%.

Sondazhi ofron një panoramë të qartë mbi pritshmëritë dhe besimin e qytetarëve shqiptarë për të ardhmen:

•Mbi 60% e të anketuarve shprehen optimistë për një të ardhme më të mirë, ndërsa 40% ndihen të pasigurt dhe të shqetësuar për zhvillimet e ardhshme.

•52% e të anketuarve mendojnë se vendi po shkon në drejtimin e duhur, megjithëse kjo përqindje ka rënë me 6 pikë krahasuar me një vit më parë.

•Qeveria e drejtuar nga Edi Rama gëzon një aprovim të përgjithshëm nga 58% e të anketuarve, ndërsa 55% e tyre e vlerësojnë efektive.

Pjesa më e madhe e qytetarëve, 74%, deklarojnë se janë të informuar mbi zgjedhjet e ardhshme, por kërkojnë më shumë informacion mbi programet partiake dhe kandidatët. Megjithatë, 88% e tyre pohojnë se nuk kanë parë asnjë aktivist partiak në zonën e tyre gjatë 12 muajve të fundit.

Detaje mbi sondazhin:

•U krye nga IDRA Research & Consulting për llogari të IRI.

•Puna në terren u zhvillua midis 3 tetorit dhe 2 nëntorit 2024, përmes intervistave ballë për ballë në 1200 familje shqiptare.

•Kampioni është i balancuar për grupmoshat, gjininë, rajonin dhe arsimin sipas Censusit 2023.

•Marzhi i gabimit është ±2,8 pikë për një nivel besimi 95%.

Ky sondazh ofron një pasqyrë të rëndësishme për perceptimet e shqiptarëve ndaj udhëheqësve politikë dhe qeverisjes aktuale.