Shtyhet gjyqi për rrëmbimin dhe vrasjen e Jan Prengës, kërkesë për ndryshim të orarit nga mbrojtja e Dritan Rexhepit

Seanca gjyqësore për procesin e rrëmbimit dhe zhdukjes së Jan Prengës, e planifikuar për sot, është shtyrë për shkak të mungesës së avokatit të të pandehurit Aldo Majnishta dhe vetë të pandehurit, i cili nuk ishte i pranishëm në sallën e gjyqit.

Në sallë ishte i pranishëm vetëm Dritan Rexhepi, i cili aktualisht ndodhet në Institucionin e Ekzekutimit të Vendimeve Penale (IEVP) në Fier. Gjatë seancës, avokatja e Rexhepit paraqiti një kërkesë për ndryshimin e ditëve të zhvillimit të gjyqit, duke argumentuar se i pandehuri duhet të qëndrojë në paraburgimin 313 deri ditën e hënë dhe të mos transportohet të premteve. Këtë kërkesë e mbështeti edhe vetë Dritan Rexhepi.

Pas shqyrtimit të kërkesave, gjykata vendosi:

•Shtyrjen e seancës gjyqësore për shkak të mungesës së të pandehurit Aldo Majnishta dhe avokatit të tij.

•Pezullimin e afateve të paraburgimit për të pandehurit Dritan Rexhepi dhe Aldo Majnishta deri në datën e seancës së ardhshme.

•Seanca e radhës u caktua të mbahet më 3 shkurt, ora 14:00.

Të pandehurit në proces

•Dritan Rexhepi – I arrestuar

•Aldo Majnishta – I arrestuar

•Gentian Funiqi – Në mungesë

•Korado Gështenja – Në mungesë

•Martin Bleta – Në mungesë

•Artan Doçaj – Në mungesë

•Geraldo Martini – Në mungesë

Rrëmbyer më 17 janar 2020 në Kamzë, Jan Prenga dyshohet se u vra nga rrëmbyesit, ndërsa trupi i tij ende nuk është gjetur. Procesi ka tërhequr vëmendje të gjerë publike, pasi lidhet me aktivitetet kriminale dhe hakmarrjet mes grupeve të fuqishme në Shqipëri dhe jashtë saj.

Seanca e ardhshme pritet të sjellë më shumë zhvillime për këtë çështje të rëndë kriminale.