Shpërthimi me lëndë plasëse tek restoranti “Brazili”, zbardhet ngjarja! Arrestohet bashkëpunëtori, sekuestrohen armë dhe municion
Shpërthimi i restorantit “Brazili” në Fushë Krujë, arrestohet bashkëpunëtori i autorit të ngjarjes
Një shpërthim me lëndë plasëse ka dëmtuar fasadën e restorantit “Brazili” në Fushë Krujë më 31 janar 2025. Pas hetimeve intensive, policia ka identifikuar dhe arrestuar 41-vjeçarin M. T., i cili dyshohet të ketë qenë bashkëpunëtori i autorit kryesor, M. Z., i cili është shpallur në kërkim.
Sipas hetimeve, M. Z. ka vendosur lëndën plasëse në lokalin e shtetasit B. T., dhe më pas është larguar me automjetin e M. T. Gjatë kontrollit në banesën e M. Z., policia ka sekuestruar armë gjahu pa leje, armë sportive dhe municion.
Policia ka intensifikuar kërkimet për kapjen e M. Z., ndërsa hetimet vijojnë për zbardhjen e motiveve dhe personave të tjerë të mundshëm të përfshirë në ngjarjen e rëndë.