Sherr mes vajzave në Tiranë! Njëra përfundon në spital, tjetra në pranga
Një ngjarje e rëndë ka tronditur kryeqytetin, ku një konflikt i çastit mes dy vajzave ka përfunduar me pasoja të rënda. Sipas informacioneve, një vajzë e re ka plagosur me thikë një bashkëmoshatare të saj për motive ende të paqarta. Vajza është dërguar me urgjencë në spital, ku po merr trajtim mjekësor për plagët e marra.
Nga ana tjetër, autorja e dyshuar është ndaluar nga shërbimet e Policisë së Komisariatit Nr. 2. Pas verifikimeve paraprake, ajo është vënë në pranga dhe pritet të përballet me drejtësinë.
Hetimet vijojnë për të zbardhur rrethanat e plota të ngjarjes dhe për të përcaktuar motivet që çuan në këtë akt të rëndë.