Gjykata e Apelit ka vendosur sot që të shtyjë sërish seancën ndaj deputetit demokrat Ervin Salianji.
Ishte avokati i deputetit Salianji i cili në fillim të seancës kërkoi përjashtimin e gjyqtares Edlira Petri me argumentin se:
“Kërkoj përjashtimin e gjyqtares Edlira Petri. Ka papajtueshmëri për shkak se është shprehur në lidhje me përjashtimin e gjyqtarit Artan Gjermeni në shkallë të parë dhe më pas këtë ankim e drejtuam në Gjykatën e Lartë, ku çështja u shqyrtua nga gjyqtari Sokol Sadushi.
Ky i fundit bashkëshort i Edlira Petrit, që po gjykon çështjen në apel”
Kujtojmë se Salianji u shpall fajtor për veprën penale ‘kallëzim i rremë’ në lidhje me çështjen “Babale”, ndërsa u dënua nga gjykata e Shkallës së Parë me 1 vit burg.