Lionel Messi ka reflektuar mbi karrierën e tij legjendare të futbollit në një intervistë të fundit. Superylli argjentinas ka pranuar se kurrë nuk e imagjinonte se do të arrinte në këto nivele.
“Kurrë nuk e kam imagjinuar se do të përjetoj atë që kam bërë dhe do të kisha karrierën që kam pasur. Nuk e kam menduar dhe nuk e kam imagjinuar. Objektivi dhe ëndrra ime e vetme ishte të isha profesionist dhe të luaja futboll. Më pëlqente loja, gara, fitorja. I jam shumë mirënjohës Zotit për gjithçka që më dha, për gjithçka që arrita. As nuk do t’i kisha kërkuar aq shumë, Ai me të vërtetë më dha shumë dhurata në jetën time. Ai më dha gjithçka dhe unë jam thjesht mirënjohës për karrierën time dhe për jetën që më dha.”
Messi zbuloi se këtë sezon kërkon të lë gjurmë me Inter Miami dhe të arrijë të fitojë titullin kampion.
“Unë mendoj se skuadra që kemi sot është ndërtuar për të fituar një kampionat dhe kjo është ajo që ne synojmë. Mendoj se ka pasur një përshtatje të mirë nga lojtarët që erdhën, me të rinjtë që kishte klubi dhe skuadra. Mendoj se ky është objektivi që duhet të mbetet, të aspirojmë të marrim tituj, të vazhdojmë të ndihmojmë klubin të rritet dhe që të rinjtë. Tu japim mundësinë atyre që kanë një ëndërr dhe luftojnë për ta arritur atë, apo jo, për të vazhduar të ecim lart, duke marrë parasysh se ku ishim në fillim dhe të rritemi shumë më tepër”.Kampioni i Botës ka zbuluar edhe detaje nga jeta e tij familjare.
Messi shtoi se ai jeton një jetë shumë normale, duke kaluar kohë me fëmijët dhe gruan
“Të jem i sinqertë, unë jam gjithmonë vetvetja dhe përtej pasojave që mund të kenë veprimet e mia, sjellja ime, mendoj se mënyra më e mirë që kam parë gjithmonë është të jem vetvetja dhe padyshim kur hyj në shtëpinë time përpiqem të jem një baba normal, një bashkëshort normal, si çdokush tjetër, duke marrë përsipër përgjegjësitë që kemi të gjithë, si baba, si bashkëshort, përtej çdo gjëje tjetër, si një burrë. Unë, fama, njohja që mund të kem jashtë, brenda shtëpisë sime jam një person shumë normal, si gjithë të tjerët, i disiplinoj fëmijët, i vendos kufij, luaj dhe gjithashtu bëj një jetë shumë normale.
Sezoni ka nisur në mënyrën më të mirë të mundshme nga ana e Messit. Në 4 takimet e para ai ka shënuar dhe asistuar në dy raste, duke premtuar një edicion fenomenal nga ana e 37-vjeçarit.