Reuters: Ndotja e ajrit në Ballkan, kërcënim për shëndetin dhe pengesë për anëtarësimin në BE
Ndotja e ajrit në Ballkanin Perëndimor mbetet një problem shqetësues, duke pasur ndikime të rënda në shëndetin publik dhe rrezikuar përpjekjet për anëtarësim në Bashkimin Europian. Sipas një artikulli të mediave prestigjioze “Reuters”, ndotja është pasojë e ngrohjes së shtëpive me impiante të vjetra qymyri, makinave të vjetra dhe mungesës së fondeve për trajtimin e problemit.
Qytetet si Beogradi dhe Sarajeva shpesh figurojnë në krye të listave të ndotjes globale, duke pasur nivele të rrezikshme ajri. Ky fenomen ka pasoja serioze për shëndetin e qytetarëve dhe mund të ndikojë negativisht në procesin e integrimit të këtyre vendeve në Bashkimin Europian, i cili ka standarde strikte për emetimet e gazrave.
Vendet e Ballkanit Perëndimor, përfshirë Kosovën, janë të angazhuara për të reduktuar emetimet e karbonit, por sfidat ekonomike e kanë ngadalësuar progresin. Kosova mbështetet kryesisht në qymyr për prodhimin e energjisë, dhe kalimi në një ekonomi pa qymyr kërkon investime të mëdha, me kosto që arrijnë deri në 4.5 miliardë euro.
Ndërkohë, ndikimi i smogut është i dukshëm, me Beogradin dhe Sarajevën që përballen me nivele të larta ndotjeje, duke shkaktuar një shkallë të lartë vdekshmërie nga ndotja e ajrit, shumë më të lartë se në vendet e Bashkimit Europian.