Reforma zgjedhore/ Deputetët e Bardhit e Berishës bllokojnë sallën e komisionit! Gjiknuri: Veprime vandale! Do të ecim para edhe pa ta
Grupimi i deputetëve të Rithemelimit nuk heqin dorë nga skenari i kaosit! Janë ulur në vendet e anëtarëve të komisionit të Reformës Zgjedhore dhe kanë bllokuar sallën.
Sinjalet janë që të mos lejojë mbledhje normale të komisionit të Reformës Zgjedhore
Ndërkohë Blendi Klosi i cili hyri në sallë u largua pasi i ishte bllokuar karrigia.
Pas thuajse dy vitesh, është rimbledhur Komisioni për Reformën Zgjedhore, i cili bashkëdrejtohet nga Damian Gjiknuri nga Partia Socialiste dhe Enkelejd Alibeaj nga Partia Demokratike.
PS ka caktuar si bashkëkryetar Sekretarin e Përgjithshëm, Damian Gjiknuri, ndërsa opozita i është përgjigjur në këtë pozicion me kreu e grupit, Enkelejd Alibeaj. Lista e anëtarëve të këtij komisioni nga maxhoranca përbëhet nga Blerina Gjylameti, Klotilda Bushka, Toni Gogu, Ermonela Felaj, Arben Pëllumbi, Blendi Klosi dhe Klevis Xhoxhi.
Sa i përket Partisë Demokratike anëtarë janë zgjedhur Oerd Bylykbashi, Dashnor Sula, Kreshnik Çollaku, Lindita Metaliaj, Seladin Jakupllari, Ervin Salianji, Eralda Bano. Anëtarë në komision nga grupi i Partisë Demokratike, figuron edhe Grida Duma, por kjo e fundit nuk është më deputetet e Kuvendit të Shqipërisë që prej 8 nëntorit 2022. Megjithatë sipas Partisë Socialiste, anëtari zëvendësues, që kanë tre, mund të vij në vend të deputetes Grida Dumës dhe se nuk është e nevojshme që të bëhen ndryshime në përbërjen e komisionit.
Lajmi në përditësim…