Rama: Zgjedhjet e 11 majit, më të rëndësishmet që nga 1992! Thirrje ballistëve: Nëse nuk doni të vdisni në kënetë, shihni nga PS
Kryeministri Edi Rama ka deklaruar se zgjedhjet e 11 majit janë më të rëndësishmet që nga viti 1992, pasi do të konfirmojnë Shqipërinë si pjesë të një sistemi të ri ndërkombëtar. Gjatë prezantimit të kandidatëve të PS-së për qarkun e Tiranës, ai theksoi rëndësinë e fokusit në integrimin evropian.
“Këto zgjedhje janë historike, sepse janë për të konfirmuar se Shqipëria bëhet pjesë e një sistemi të ri ndërkombëtar. Ne duhet të jemi të vendosur për të realizuar çdo ambicie,” u shpreh Rama.
Ai gjithashtu bëri thirrje për bashkim, duke theksuar se PS u ka dhënë mundësi edhe “ballistëve” për t’iu bashkuar, duke sjellë si shembull kandidatin Halit Valteri. “Nëse nuk doni të vdisni në kënetë, shihni nga ne,” tha Rama, duke nënvizuar se hyrja e Shqipërisë në BE do të jetë një moment historik.