Kryeministri Edi Rama ka zbardhur takimin e sotëm me presidentin Bajram Begaj. Takimi u mbajt ditën e sotme në Presidencë dhe zgjati për një orë. Nëpërmjet një postimi në facebook, kreu i qeverisë bëri me dije se fokus ka qenë mbledhja e Këshillit të Sigurisë Kombëtare dhe ndryshimet e ambasadorëve
“Takimi i fillimvitit me kryetarin e shtetit për ta informuar mbi çështjet kryesore të këtij viti qeverisës, si edhe për të përgatitur mbledhjen e Këshillit të Sigurisë Kombëtare dhe ndryshimet e ambasadorëve në misionet tona diplomatike🤝, ka shkruar kryeministri krahas fotografisë me presidentin.
Pas takimit, kryeministri u ndal te Pallati i Kongreseve ku mblodhi drejtuesit e institucioneve. Të pranishëm ishin dhe ministra dhe deputetë. Abc News mëson se kryeministri Rama pritet të takohet rreth orës 13:00 dhe me krerët politikë të qarqeve.Këto takime vijnë pas mbledhjes dy ditore që mbajti me kabinetin qeverisës.