Rama shtron iftar për besimtarët myslimanë: Në një ditë të tillë, jeta duket më e lehtë! E shijoj me një lloj naiviteti
Kryeministri Edi Rama ka organizuar një iftar për besimtarët myslimanë në këtë muaj të shenjtë të Ramazanit. Gjatë fjalës së tij, ai theksoi rëndësinë e këtij momenti si një çast reflektimi dhe bashkimi shpirtëror.
“E shijoj me një lloj naiviteti këtë moment të madhërishëm të Ramazanit. Në një ditë të tillë, jeta duket më e lehtë,” u shpreh Rama, duke vlerësuar sakrificën dhe përkushtimin e besimtarëve gjatë këtij muaji të veçantë.
Iftari është kthyer tashmë në një traditë ku liderët shtetërorë bashkohen me besimtarët myslimanë për të ndarë jo vetëm një vakt, por edhe vlerat e respektit dhe harmonisë ndërfetare në Shqipëri.