Rama nga Athina: SPAK-u është një mision për Shqipërinë! E dinim që do binte mbi kokën e disave prej nesh, por…
- 30 March, 2025
Në një takim me shqiptarët e Greqisë, kryeministri Edi Rama ka theksuar se qeveria e tij ka qenë ajo që i dorëzoi “shpatën” e drejtësisë SPAK-ut, duke e konsideruar këtë një hap të rëndësishëm për integrimin e Shqipërisë në Bashkimin Europian. Ai përmendi se kundërshtarët politikë, përfshirë Partinë Demokratike dhe Lulzim Bashën, nuk e mbështetën reformën në drejtësi dhe e kundërshtuan krijimin e SPAK-ut.
Rama tha se opozita ka pasur shpresën që SPAK të dështonte dhe të shkatërronte Partinë Socialiste, por ai e siguroi se qeveria është e angazhuar për një mision, jo vetëm një punë, për të bërë Shqipërinë pjesë të familjes europiane. Ai shtoi se, pavarësisht se mund të ketë pasur pasoja për disa, dorëzimi i shpatës drejtësisë ishte një veprim për të cilin ai nuk pendohet dhe është krenar.
“Krenarë që i dorëzuam shpatën drejtësisë, e dinim se do të binte edhe mbi kokat e disa prej nesh, por nuk jemi penduar,” përfundoi ai.
Regjistrohu në buletinin tonë informativ