Kryeministri Edi Rama mori pjesë sot në ceremoninë e 105-vjetorit të shpalljes së Tiranës si kryeqytet i Shqipërisë, por e cilësoi këtë ngjarje si të zhvilluar në kushte paradoksale për shkak të mungesës së kryebashkiakut Erion Veliaj, i cili u arrestua një ditë më parë me urdhër të SPAK.
“Nuk e di nëse Erioni është i pafajshëm ose… Jemi në një paradoks,” u shpreh Rama gjatë fjalës së tij.
Lidhur me arrestimin, ai tha se është ndërprerë kontrata e kryebashkiakut, i zgjedhur nga qytetarët, nga një person të cilin ai nuk e njeh as me fytyrë.
“Kontrata e kryetarit të zgjedhur është ndërprerë nga dikush që s’e njohim,” shtoi kryeministri.
Rama: Jemi në një paradoks sepse mungon kryetari i bashkisë i zgjedhur nga çerek mln zgjedhës për të drejtuar kryeqytetin dhe për të realizuar nejç kontratë të tijën dhe të forcës tonë politike me qytetarët e Tiranës. Kontrata është ndërprerë nga dikush që unë personalisht dhe sinqerisht nuk e njoh as me fytyre dhe ndërkohë kur zgjidhet ka një llogari të përditshme. Kush zgjedh që njeriun e zgjedhur ta marri pa gjyq dhe ta mbylli në një dhomë paraburgimi nuk është e qartë për mua, se llogari përpara kujt jep.
Për hir të vërtetës ne deri sot kemi zgjedhur të mos kometojmë edhe kur kryetari i Tropojës është marrë nga zyra dhe është mbyllur në shtëpi, në një qytete në skaj të Shqipërisë dhe i është ndaluar të zbatoj kontratën e zgjedhësve sepse mbiu të rëndon një akuzë, por pa gjyq.