Rama në Budapest: Do të hapim grup kapitujsh me BE-në, Hungaria shembull për reformat

  • 11 October, 2024

Kryeministri Edi Rama ndodhet në Hungari ku zhvilloi një takim me homologun Viktor Orban.Në një konferencë të përbashkët, Orban u shpreh se Shqipëria duhet të ishte tashmë pjesë e BE, por në proces ka pasur pengesa politike, që kanë ndikuar në vonesën e procesit.

Orban: BE të mirëpresë vende te  Ballkanit sepse kështu do të qarkullojë më mirë gjaku tek ne. Shqipëria ka bërë një punë të mrekullueshme. Duhet të jetë pjesë e BE dhe duhet të ishte tashmë pjesë. Po shohim pengesa politike që janë të vështira për tu tejkaluar. Kemi pasur sukses sepse javën e ardhshme do të kemi konferencën ndërqeveritare ku do të hapet grup kapitulli i parë.

Rama tha se Shqipëria do të hapë disa kapituj me Bashkimin Europian. Kreu i qeverisë shqiptare shtoi se Hungaria në sytë e Shqipërisë është një vend shembull për reformat që ka ndërmarrë.

Edi Rama: Viktor Orban është një nga personat më të këndshëm për të folur për tema të ndryshme që ndodhin në botë. Është kënaqësi që jam në Budapest. Jam falënderues për atë që ka bërë Presidenca e Hungarisë për ne. Ne do kemi mundësi të hapim disa kapituj me BE. Është vendi që të falënderojmë Oliver Varherleyn, që na ka ndihmuar për arritjet e rëndësishme.

Është kënaqësi që të falënderoj qeverinë hungareze për atë që thashë. E kemi parë Hungarinë si model për reformat në administratë e qeveri, si dhe sa i përket një shoqërie ku ka mirëqënie. Ne kërkojmë të mësojmë gjithmonë e më shumë nga Hungaria.

Tags:

Artikuj të ngjashëm