Rama elozhe Macron-it: Dua t’i qëndroj pranë dhe të mësoj prej tij, ndihem mirë që drejtoj Shqipërinë kur ai është president i Francës
Kryeministri Edi Rama ka shprehur vlerësim të lartë për presidentin francez Emmanuel Macron gjatë forumit ekonomik ndërkombëtar në Tiranë, duke theksuar se dëshiron t’i qëndrojë pranë për të mësuar prej tij dhe për të forcuar marrëdhëniet mes dy vendeve.
Fjala e Ramës
Isha shumë i lumtur kur mendova që ky forum do të vinte këtu edhe për një arsye tjetër. Pasi bëra disa kërkime për të ditur më shumë për forumin, ajo çfarë kuptova është që ky është etaloni i përpjekjes për të menduar ndryshe që mund të ketë ndjesinë të kthehet në Shqipëri për të investuar.
Ndoshta Emmanueli nuk do të jetë i lumtur ta dëgjojë, por dua ta ndaj me ju, falë ndihmës së tij dhe ndihmës së disa udhëheqësve të tjetër, kemi çelur degën e Kolegjit të Europës në Tiranë. Një nismë për të ndihmuar vendet që ishin përtej murit për t’u bërë pjesë e Europës. Por ajo që ndodh është se kemi studentë nga e gjithë Europa dhe ata që vijnë si studentë, duan të rrinë në Tiranë, nuk dan të shkojnë më në Francë, Emmanuel.
E vetmja gjë që di të bëj është t’i qëndroj pranë dhe të mësoj prej tij sa më shumë të mundem dhe të përfitoj nga miqësia e tij sa më shumë të mundem për Shqipërinë dhe jo për veten. Dhe të ndihem vërtetë mirë që drejtoj këtë vend në një moment në kohë kur Emmanuel drejton vendin e tij.