Qeveria Meloni mendon dekret të ri, ja çfarë pritet të ndodh me qendrat e emigrantëve në Shqipëri

Qendrat e emigrantëve në Shqipëri (të shpallura nga qeveria Meloni gati një vit e gjysmë më parë, në nëntor 2023 dhe që u vunë në funksion në tetor 2024) kanë qenë të dështuar. Në katër muaj, tre udhëtime të Marinës kanë transportuar disa dhjetëra njerëz me destinacion Gjadrin. Gjithsesi, momentalisht asnjë banor nuk është aty, pasi janë kthyer gjithmonë në Itali brenda pak ditësh sepse Gjykata konstaton se vendi i tyre i origjinës nuk ishte i sigurt për ta.

Kjo ka sjellë çdo herë reagime të zemëruara nga qeveria, edhe kur vendimet e gjykatës italiane ishin mjaft të parashikueshme . Në thelb, qendrat kanë qenë bosh shumicën e kohës . Ndaj ekzekutivi italian po mendon të ndërhyjë me një dekret të ri. Hipoteza kryesore në tryezë do të ishte transformimi i tyre. Kjo mund të thjeshtojë procedurat dhe të shmangë marrjen e refuzimeve të mëtejshme nga gjyqtarët.

Aktualisht, dy objektet janë një qendër pritjeje e parë (në Shëngjin, ku mbërrijnë anijet dhe kryhen kontrollet më të menjëhershme) dhe një qendër ndalimi ku mbahen personat në pritje të përfundimit të procedurës së shpejtë të aplikimit për azil. Duke u bërë Qendra e Paraburgimit të Riatdhesimit, migrantët që ndodhen në Itali në mënyrë të parregullt dhe kanë marrë një urdhër dëbimi do të silleshin në Shqipëri.

Ajo që supozohej të ishte një ‘parandalues’, sipas qeverisë, do të bëhej thjesht një strukturë e re për të vendosur njerëz që kanë mbërritur tashmë në Itali dhe duhet të riatdhesohen. Sipas “Corriere della Sera”, me këtë ndryshim edhe ekzekutivi mund të vendosë t’i kalojë Shqipërisë menaxhimin e qendrave .

Për momentin, data e pritjes është 25 shkurti, kur Gjykata Evropiane e Drejtësisë do të mblidhet dhe do të marrë një vendim për funksionimin aktual të qendrave. Më pas, në vitin 2026 , do të hyjë në fuqi Pakti i ri i BE-së për Migracionin dhe Azilin, i cili mund t’i bëjë gjërat më të lehta për ekzekutivin duke ndryshuar rregullat për vendet e sigurta. Mbetet për t’u parë nëse qeveria do ta konfirmojë ndërkohë me një dekret të ri synimin e saj për t’u rikthyer në qendrat shqiptare.