“Porositeshin nga baballarët, xhaxhallarët dhe…” Plas skandali, trondit me dëshminë e tij pedofili që krijonte me AI imazhe të abuzimit seksual me fëmijët
Një 27-vjeçar është dënuar me 18 vite burg në atë që u quajt një proces historik dhe që tronditi Anglinë e jo vetëm.
Ngjarja ka ndodhur në Bolton, Angli, ku i riu Hugh Nelson, përdorte imazhe të fëmijëve të mitur, dhe duke përdorur më pas Inteligjencën artificiale krijonte foto të të miturve duke u abuzuar seksualisht apo në pozicione eksplicite.
I riu ka rrëfyer para gjykatës se shpesh fotot silleshin nga baballarë, xhaxhallarë apo të afërm të viktimave.
Gjatë një periudhe 18-mujore, Nelson pranon se ka fituar rreth 5000 £ nga shitja e këtyre imazheve.
Në disa raste, Nelson edhe i inkurajonte porositësit e imazheve që të përdhunonin dhe sulmonin seksualisht fëmijët.
Ky nuk është rasti i parë që pedofilë dërgohen në burg për përdorimin e Inteligjencës artificiale për të krijuar imazhe të abuzimit me fëmijët. Megjithatë, në rastin e Nelson-it, policia ishte në gjendje të lidhte imazhet e gjeneruara me fëmijë realë.
Nelson, i cili nuk kishte asnjë dënim të mëparshëm, u arrestua në shtëpinë e tij familjare në Egerton, Bolton, në qershor të vitit të kaluar dhe i tha policisë se kishte një interes seksual kryesisht për vajzat rreth 12 vjeç.