Të tjera detaje rreth ngjarjes që i mori jetën Klaudio Prendit. Makina e autorëve ka ardhur nga rruga e zonës së njohur si Fresku në Tiranë.
Sapo i riu ka dalë nga lokali dhe është futur në makinën e tij, autorët e kanë qëlluar ku plumbat e kanë kapur në kokë dhe kraharor.
Menjëherë autorët janë larguar me shpejtësi drejt qendrës së qytetit, ndërsa shokët e viktimës kanë dalë me vrap nga lokali. Ata, kanë marrë makinën e viktimës dhe janë nisur drejt spitalit të Traumës.
Klaudio Prendi kohët e fundit kishte disa sherre me persona të tjerë, konflikte që po hetohen nga policia. I riu nuk kishte shumë që ishte kthyer nga jashtë shteti dhe kjo dyshohet që ka vënë edhe në lëvizje autorët.
Regjistrohu në buletinin tonë informativ