Plani për vrasjen e Durim dhe Valter Bamit/ Zbardhet skema e roleve të bosëve të krimit në atentat, ja kush ishte porositësi
Detaje të reja janë zbardhur nga roli i anëtarëve të grupeve kriminale në planin për vrasjen e Durim dhe Valter Bamit.
Mësohet se porositësi ka qenë Arben Ndoka, ish-deputet, vrasje të cilat do të ndodhnin në shenjë hakmarrjeje për vrasjen e vëllait të tij Aleksandër Ndoka më datë 09.12.2017.
Ndërkaq roli i organizuesit i ishte besuar Arian Tukut, i cili kishte edhe rolin e financuesit dhe koordinimit.
Ervis Martinaj, ka pasur rolin e financuesit, sigurimit të logjistikës dhe informacioneve
për lokalizimin e viktimave
Jozi Kraja, në bashkëpunim me persona të tjerë ka pasur rolin e vëzhguesit, lokalizuesit
dhe bashkëpunëtorit.
Astrit Avdyli, ka pasur rolin e siguruesit të personave që do të kryenin vrasjen.
Arben Mërkuri, i cili ka ndërruar jetë në vitin 2022, ka pasur rolin e ekzekutorit.
Gentian Bejtja, i cili ka ndërruar jetë në vitin 2024, në bashkëpunim me Naim Stafuka ka pasur rolin e lokalizimit të viktimave.
Emiljano Shullazi, ka pasur rolin e sigurimit të informacioneve në lidhje me lokalizimin e shënjestrave të atentatit.
Blerim Abazi, ka pasur rolin e sigurimit të informacioneve në lidhje me lokalizimin e dy vëllezërve Bami.