Peticion i madh kundër Elon Musk, kanadezët duan t’i heqin miliarderit …

Mbi 236,000 kanadezë kanë nënshkruar një peticion në internet në pesë ditë duke i kërkuar kryeministrit Justin Trudeau t’i heqë Elon Musk nënshtetësinë kanadeze.

Shkrimtarja Qualia Reed, nisi këtë mbledhje nënshkrimesh më 20 shkurt dhe u promovua nga deputeti i Partisë së Re Demokratike (NDP), Charlie Angus.

Miliarderi “është angazhuar në aktivitete që janë në kundërshtim me interesin kombëtar të Kanadasë”. Njeriu më i pasur në botë, një figurë kyçe në qeverinë amerikane, Donald Trump, “përdori pasurinë dhe fuqinë e tij për të ndikuar në zgjedhjet tona”, theksohet, ndërsa Musk është “një anëtar i një qeverie të huaj që përpiqet të eliminojë sovranitetin kanadez”.

“Ne, të nënshkruarit, qytetarët e Kanadasë, i bëjmë thirrje Kryeministrit që të heqë statusin e dyshtetësisë së Elon Musk dhe t’i heqë pasaportën kanadeze me efekt të menjëhershëm.

“Kanadaja nuk është një vend i vërtetë”, tha Musk Musk, i lindur në Afrikën e Jugut, mori nënshtetësinë kanadeze përmes nënës së tij, e cila kishte lindur në Saskatchewan.

Deri më sot, 236,123 kanadezë kanë nënshkruar peticionin në internet që do t’i paraqitet Dhomës së Komunave pasi të mbyllet peticioni më 20 qershor.

Trump ka përsëritur vazhdimisht dëshirën e tij që Kanadaja të bëhet shteti i 51-të i SHBA-së dhe ka kërcënuar me tarifa për produktet kanadeze.

Prej pesë javësh, administrata e re amerikane i ka dhënë Musk-ut dhe ekipeve të tij, që funksionojnë nën eufemizmin “Doge”, një komitet qeveritar për efikasitetin, një çek bosh për të kryer pushime masive nga puna, për të shkurtuar shpenzimet publike dhe për të pezulluar aktivitetet e organeve rregullatore, në përgjigje të këtij grumbullimi të nënshkrimeve.