Përsëritja e zgjedhjeve në Rrogozhinë, Berisha: Demokratët të mbrojnë fitoren
Ish-kryeministri Sali Berisha u ka bërë thirrje demokratëve dhe qytetarëve të Rrogozhinës që të mbrojnë fitoren e zgjedhjeve të 14 majit në këtë bashki, e cila votoi për Shkëlqim Hoxhën, por që sipas tij në mënyrë absurde u rrëzua nga vendimi i KAS dhe Kolegjit Zgjedhor.
Berisha e bëri këtë deklaratë gjatë një takimi me strukturat e PD dhe fushatës elektorale për Bashkinë e Rrogozhinës gjatë ditës së djeshme.
Në Bashkinë e Rrogozhinës zgjedhjet do të përsëriten pas parregullsive të gjetura nga Kolegji Zgjedhor me kutinë e votave në burgun e Rrogozhinës, ndërsa ditën e sotme u caktua se ato do të mbahen në 23 korrik.
Berisha shprehu mirënjohje për të gjithë ata që votuan për ndryshimin në Rrogozhinë në zgjedhjet e 14 majit si dhe për kandidatin Shkëlqim Hoxha.