Përpjekja për arratisje përfundon keq! I burgosuri ngec në murin e betonit dhe shpëtohet nga zjarrfikësit
Brazil, ku një i burgosur tentoi të arratisej, por përfundoi i ngecur në një mur betoni. Alan Leandro da Silva, 29 vjeç, sipas autoriteteve dhe mediave lokale, kishte kaluar dy ditë duke përdorur vegla të ndryshme për të hapur një vrimë në murin e qelisë së tij, në burgun e Rio Brancos, shteti Acre.
Pasi krijoi hapësirën që mendoi se ishte e mjaftueshme, ai u përpoq të kalonte përmes saj, por mbeti i ngujuar mes betonit. Rojet e burgut vunë re lëvizjet e dyshimta në qelinë e tij të hënën, më 16 qershor, dhe menjëherë thirrën zjarrfikësit për të ndërhyrë.
Pamjet e publikuara tregojnë momentin kur i burgosuri, i zhveshur nga trupi i sipërm dhe me tatuazhe në shpinë, qëndronte i kapur në një pozicion të sikletshëm, ndërsa ekipet e shpëtimit punonin për ta liruar. Autoritetet sqaruan se operacioni u krye me kujdes të madh për të shmangur çdo lëndim dhe fatmirësisht, da Silva u nxor pa dëmtime.
