Përfshihen nga flakët banesat e komunitetit rom në Shkodër, detajet e para
Një zjarr masiv ka përfshirë mëngjesin e sotëm kampin social të komunitetit rom në Shkodër.
Për pasojë janë djegur plotësisht kontejnerët në të cilat banonin komuniteti rom dhe egjiptian në lagjen Skënderbeg të Shkodrës.
Aktualisht, në këto kontejnerë jetojnë mbi 142 banorë të komunitetit rom, të cilët më parë banonin në kushte ekstreme varfërie dhe pasigurie.
Zjarri i rënë rreth orës 9 e 30 minuta duke u favorizuar edhe nga era ka rrezikuar përhapjen edhe ne kontejnerët e tjerë . Ndërsa ka qenë ndërhyrja e zjarrfikësve që kanë ndërhyrë në kohë për të lokalizuar zjarrin, është ende e paqartë se ç’ka e ka shkaktuar zjarrin.
Dyshimet e para janë pakujdesia në ndonjë paisje elektrike nga banorët të cilët e kanë harruar të ndezur.