Pentagoni fshin mijëra foto të ushtarëve me ngjyrë gjatë administratës Trump! “Zhduk” edhe fotografinë e bombarduesit të Hiroshimës
Pentagoni ka nisur një fushatë masive për të fshirë mijëra foto dhe postime që reflektojnë diversitetin në ushtrinë amerikane, një veprim që vjen si pjesë e politikave të administratës Trump për të ndryshuar qasjen ndaj grupeve të diskriminuara.
Sipas raportimeve, midis 26,000 dhe 100,000 imazhe mund të jenë fshirë nga faqet dhe llogaritë zyrtare të ushtrisë. Këto përfshijnë foto të ushtarëve me ngjyrë, grave në ushtri dhe figurave historike që shërbyen gjatë periudhave të segregacionit racor.
Një rast i veçantë është fshirja e fotos së bombarduesit “Enola Gay”, avionit që hodhi bombën atomike në Hiroshima, vetëm për shkak të fjalës “Gay” në emrin e tij. Po ashtu, janë hequr foto të sergeantit Adrian C. Gay, gjithashtu për shkak të emrit të tij.
Gjithashtu, disa llogari zyrtare në rrjetet sociale janë bërë të vështira për t’u aksesuar, duke komplikuar procesin e rikuperimit të materialeve të fshira.
Ky veprim shihet si një përpjekje e administratës Trump për të ndryshuar qasjen e ushtrisë ndaj diversitetit, duke eliminuar çdo material që mbështet përfshirjen e grupeve të ndryshme shoqërore.