Papa Françesku u bëri thirrje sot rebelëve sirianë, të cilët përmbysën regjimin e presidentit Bashar al-Assad, të sigurojnë stabilitetin e vendit dhe të qeverisin në një mënyrë që promovon unitetin kombëtar.
“Shpresoj se ata do të gjejnë zgjidhje politike të cilat, pa konflikte apo ndarje të mëtejshme, do të promovojnë me përgjegjësi stabilitetin dhe unitetin e vendit,” tha Papa sot gjatë fjalimit të tij javor në Vatikan.
Këto ishin deklaratat e tij të para publike për Sirinë pas rënies së regjimit së Assadit.
Papa gjithashtu u bëri thirrje grupeve të ndryshme fetare të vendit “të ecin së bashku në miqësi dhe me respekt të ndërsjellë për të mirën e kombit”.
Regjistrohu në buletinin tonë informativ