Në strategjinë afatmesme buxhetore parashikohet që në vitin 2024 të përfitojnë nga rritja e pagave rreth 18 858 mjekë dheinfermierë me rritje të pagës bruto nga 26 – 34%.
6 756 punonjës të ushtrisë që do kenë rritje nga 4 – 22%; 12 120 punonjës të gardës dhe policisë me rritje të pagës nga 21-35%; dhe rreth 3566 punonjës të policisë së burgjeve me 22- 36%.
Reforma e pagave nisur nga qeveria pritet të përfundojë e plotë në vitin 2025, me rritje të tjera për të gjithë kategoritë e punonjësve.
Që nga muaji prill ndërkohë rreth 130 mijë punonjës të administratës publike kanë përfituar paga më të larta, ndërsa qeveria synon që paga mesatare të arrijë në 900 euro nga 530 euro momentalisht.
Edhe për arsimtarët, mjekët e përgjithshëm, infermierët dhe punonjësit e sigurisë pati një rritje të pagës me 7% gjatë këtij viti. Premtimi është që deri në fund të 2025-ës pagat e mjekëve dhe arsimtarëve të rriten deri në 57%.