Operacioni “Reaction”/ Arrestohet 47-vjeçari për vjedhje në seri në Tiranë
Policia e Tiranës ka finalizuar me sukses operacionin e koduar “Reaction”, duke arrestuar një 47-vjeçar të dyshuar për kryerjen e disa vjedhjeve brenda një dite. Shtetasi F.(Z.) T., 47 vjeç, u kap nga Specialistët për Hetimin e Krimeve të Komisariatit Nr. 3 pas denoncimit të një qytetari për vjedhje në lokalin e tij.
Sipas hetimeve, më datë 16 mars 2025, i arrestuari ka vjedhur produkte nga një lokal, ka vjedhur një automjet dhe ka tentuar të vjedhë në dy automjete të tjera, duke iu thyer xhamat. Automjeti i vjedhur është gjetur dhe sekuestruar nga Policia si provë materiale.
Hetimet vijojnë për të zbuluar nëse 47-vjeçari ka qenë i përfshirë edhe në vjedhje të tjera. Materialet procedurale janë dorëzuar në Prokurorinë e Tiranës, e cila do të vijojë veprimet ligjore ndaj të dyshuarit.