Nuredin Dumani në sallen e gjyqit “Plumbi i Artë”: Do ju ha hallvën të gjithëve!

I penduari i drejtësisë, Nuredin Dumani ka zbuluar rrethanat e njohjes me Agron Qolin, i cili akuzohet se jepte informacionet e lëvizjes së Fatmira Dedës.

Sipas Dumanit, kanë marrë pjesë dhe dhe kanë dhënë informacione mbi lëvizjet e Dedës , vrasje e porositur nga Festim Qoli.

60-vjeçarja u ekzekutua në mënyrë tragjike, në garazhin e pallatit ku banonte. Sipas Dumanit, vrasja u krye nga Talo Çela, ndërsa u porosit nga Festim Qoli, pasi ajo interesohej në prokurori për vrasjen e djalit të saj Ervis Deda, ngjarje e ndodhur në vitin 2012. Ndërkaq në sallë ka pasur edhe tension, mes Dumanit dhe Divës.

PJESE NGA SEANCA “PLUMBI I ARTE”

Av. Ilia: Në çfarë rrethanash jeni njohur me Agron Qolin?

Dumani: E kam pasur komshi. Kemi qenë edhe miq. E njoh nga 2001-2003. Agroni në 2012 u largua në Durrës.
Kemi pasur marrëdhënie shumë të mira dhe hyrje-dalje familjare. Për një farë kohe unë kam punuar me Agronin në një pallat ku ai ishte teknik ndërtimi.

Av.: Me kë punonte aty?

Dumani: Investitor ishte Enea Prifti. Unë kam punuar disa muaj aty.

Av.: Cilat ishin marrëdhëniet mes Agron dhe Petrit Qolit?

Dumani: Ishin kushërinj. Petrit Qoli ishte ndërtues pallatesh, ndërsa Agroni teknik. Nuk di të kenë punuar bashkë.

Av.: A shoqërohej Agroni me Festim Qolin?

Dumani: Po, patjetër, çdo natë tek lokali i Festimit ishin.

Av.: Kur je shoqëruar me Besnik Qolin, a ke diskutuar për marrëdhënien e tij me Agron Qolin?

Dumani: Ai fliste me respekt për të. E konsideronte njeri serioz.

Debat në sallë për pyetjen që bëhet nga avokati pasi konsiderohen si analizë nga prokurorët. Në mes të debatit dikush nga të pandehurit flet.

Dumani: “”Do ju ha ju hallvën të gjithëve, nuk mund ta ma hani hallvën ju mua”, pas debatit me të pandehurit e tjerë.

Enver Diva: Do ta shohim kush ja han hallvën njëri-tjetrit, pse rren.”