Replika Lajme
Related Articles
Kryeministri izraelit, Benjamin Netanyahu, ka marrë vendimin për të shkarkuar ministrin e Mbrojtjes, Yoav Gallant, duke shënuar një ndryshim të rëndësishëm në strukturën e qeverisë izraelite. Sipas mediave izraelite, shkarkimi i Gallant vjen pas një mungese të besimit mes kryeministrit dhe ministrit të Mbrojtjes, të cilët kishin dallime në qasjen për menaxhimin e konflikteve dhe të luftës.
Netanyahu sqaroi se marrëdhënia e tyre kishte nisur mirë në fillim të detyrës së Gallant, por më vonë besimi mes tyre ishte dobësuar. “Fatkeqësisht, në muajt e fundit ky besim u prish mes meje dhe ministrit të Mbrojtjes,” tha Netanyahu. Ai shtoi se kishte bërë përpjekje të vazhdueshme për të kapërcyer këto boshllëqe, por dallimet vetëm sa u thelluan, duke ndikuar negativisht në publik dhe duke i ekspozuar këto çështje edhe ndaj armiqve të Izraelit.
Pas shkarkimit të Gallant, Netanyahu ka caktuar si pasardhës Israel Katz, një figurë e njohur në politikën izraelite, i cili ka shërbyer më parë si ministër i Jashtëm. Netanyahu nënvizoi se ky vendim ishte mbështetur nga shumica e anëtarëve të qeverisë.
Në reagimin e tij të parë pas shkarkimit, Yoav Gallant tha se “siguria e shtetit të Izraelit ka qenë dhe do të mbetet gjithmonë misioni im i jetës,” duke theksuar përkushtimin e tij ndaj mbrojtjes së vendit.
