Ndryshon balanca e pushtetit në Uashington, republikanët pritet të fitojnë shumicën e Senatit

Republikanët do të fitojnë shumicën e Senatit të SHBA-së, sipas projeksioneve të CNN, duke ndryshuar balancën e pushtetit në Uashington.

Marshimi i republikanëve drejt kontrollit filloi herët në natën e zgjedhjeve kur guvernatori i Virxhinias Perëndimore Jim Justice ishte parashikuar të merrte vendin e Senatit të liruar nga senatori i pavarur Joe Manchin, i dalë në pension.

Në Ohajo, senatori demokrat Sherrod Brown, i cili ka shërbyer në dhomë për tre mandate, do të humbasë mundësinë për rizgjedhje, sipas projeksioneve të CNN, në një shtet që ka kaluar në një bastion thellësisht të kuq. Senatori i ri republikan do të jetë biznesmeni Bernie Moreno, një mbështetës i zjarrtë i Trump.