Ndarja nga jeta e Zamir Dules/ Çipa: Cungoi jetën e tij për gazetarinë, të shpallet një çmim për gazetarët e kronikës që të mbajë emrin e tij
Kreu i Unionit të Gazetarëve Shqiptarë, Aleksandër Çipa, në fjalën e tij për ndarjen nga jeta të gazetarit Zamir Dule, ka shprehur ngushëllimet e sinqerta për të ndjerin.
Ai ka vlerësuar punën e gazetarit duke vlerësuar se cungoi jetën e tij personale, në shërbim të pasionit të tij për gazetarinë.
Çipa ka propozuar që të shpallet një çmim për gazetarinë e kronikës që të mbajë emrin gazetarit Zamir Dules.
Ai ishte pjesë e historisë së shkëlqyer të gazetarisë shqiptare në 33 vite. Një martir profesional që falë pasionit nuk u martirizua me humbje jete, por me cungimin e jetës vetjake. Siolli në gazetari modelin e të parit gazetar të profilit, atë të kronikës.
Unioni i Gazetarëve Shqiptarë e një që modeli i tij ia vlen të bëhet një shembull profesional. Tashmë kur ai ka mbërritur në amëshim, duhet të shpallim një çmim për gazetarinë e kronikës që të mbajë emrin gazetarit Zamir Dule”, tha Aleksandër Çipa.