Mrekullia e Krishtlindjeve ndodh vërtetë/ I moshuari ribashkohet me familjen e tij biologjike, 75 vite pasi u birësua
Dixon Handshaw mendoi se ai ishte një fëmijë i vetëm për pjesën më të madhe të jetës së tij. Por dekada pasi u birësua, 75-vjeçari mësoi se ka një grusht vëllezërish e motrash, të cilët i takoi pikërisht në kohën e pushimeve.
Gjatë fundjavës që lamë pas, Handshaw, i cili jeton në Karolinën e Veriut, fluturoi për në Rochester, Nju Jork, ku takoi disa nga gjysmë-vëllezërit e tij përpara festës vjetore të Krishtlindjeve të familjes.
“Gjatë gjithë jetës sime, kam ëndërruar të kem vëllezër e motra diku”, tha Handshaw për CNN, e cila kapi takimin e parë të vëllezërve e motrave në aeroport të premten. “Kjo është mrekullia ime e Krishtlindjeve.”
“Unë kurrë nuk kam takuar dikë që ndan ADN-në time,” tha Handshaw. “Ishte e mrekullueshme. Unë kurrë nuk kam ndjerë një derdhje të tillë dashurie të pakushtëzuar sa kam pasur nga familja ime e re.”