Moti i keq/ Problematika të shumta në qarkun e Dibrës, ndërprerje e mësimit në 60 përqind të shkollave
Problematika të shumta vijojnë të jenë prezente si pasojë e motit të keq në qarkun e Dibrës.
Reshjet e dëborës janë ndërprerë që natën e mbrëmshme, por ja kanë lënë vendin ngricave. Temperatura në Bulqizë ka shënuar -15 gradë. Në shumicën e fshatrave lartësia e dëborës arrin rreth 1 metër. Gjithashtu bëhet me dije se mësimi është ndërprerë në 60% të shkollave të Qarkut Dibër.
Pushteti vendor po punon për hapjen e rrugëve.
Rruga nacionale Peshkopi-Bulqizë në disa segmente duhet të përdoren zinxhirët. Ndërkaq po punohetpër pastrimin e rrugëve dhe hedhjen e kripës. Sot, në orët e para të mëngjesit, është hapur rruga e Arbrit.
Njoftim nga prefekti i qarkut Lezhë:
Në territorin e qarkut Lezhë, situata aktualisht duket më e qetë, intensiteti i erës ka rënë në mesatare.
Nga strukturat e MC të bashkisë Kurbin dhe OSHEE do punohet për riparimin e defekteve elektrike dhe pastrimin e qytetit nga mbeturinat e sjalla nga era.
Nga strukturat e MC të bashkisë Lezhë dhe OSHEE do punohet për riparimin e defekteve të shumta elektrike dhe pastrimin e qytetit nga mbeturinat e sjalla nga era.
Nga strukturat e MC të bashkisë Mirditë dhe OSHEE do punohet për riparimin e defekteve elektrike dhe pastrimin e qytetit nga mbeturinat e sjalla nga era, pastrimin e segmenteve rrugore nga dëbora, kriposjen e tyre.
Probleme të furnizimit me ujë të pishëm dhe energji elektrike nuk ka.
Kuota e lumit Drin e Mat vazhdojnë të jenë në nivele minimale.
Hidrovorët janë në gadishmëri.