Mediat amerikane: Trump u ofendua nga veshja e Zelenskyt! Presidenti ukrainas u këshillua të vishej me kostum, por ai…
Detaje të reja dalin nga prapaskenat e debatit Trump-Zelensky gjatë takimit të tyre të tensionuar ditën e djeshme në Shtëpinë e Bardhë, në Uashington.
Sky News raporton se, presidenti ukrainas ishte këshilluar të vishte kostum në Shtëpinë e Bardhë dhe se Donald Trump u ofendua kur pa që Zelensky ishte veshur me veshje te thjeshtë.
“Përpara takimit të nxehtë, Volodymyr Zelensky u këshillua nga ekipi i Trump që të heqë dorë nga veshjet e tij të zakonshme të stilit ushtarak dhe të veshë diçka më formale”, raporton Axios.
Megjithatë, Zelensky nuk e dëgjoi këshillën dhe përkundrazi ai vendosi të vishet me të zeza, shkruajnë mediat ameriane.
Sipas dy burimeve që folën për Axios, veshja e Zelenskyt e irritoi Trumpin.
Gjithashtu gjatë pytjeve me gazetarët dje në Shtëpinë e Bardhë, reporteri Brian Glenn e pyeti Zelenskyn, “pse nuk vesh kostum”, duke e akuzuar atë për mungesë respekti për Amerikën.