Mbërrin në Shqipëri trupi i Kryepeshkopit Anastas Janullatos! Ceremoni nderimi në Tiranë
Trupi i Kryepeshkopit të ndjerë të Kishës Ortodokse Autoqefale të Shqipërisë, Anastas Janullatos, ka mbërritur sot në orët e para të mëngjesit në pikën kufitare të Kakavijës, ku u organizua një ceremoni nderimi. Kortezhi, i shoqëruar nga përfaqësues të lartë të Kishës, po transportohet drejt Tiranës për t’u vendosur në Katedralen e Ngjalljes së Krishtit.
Në shoqërimin e trupit të Kryepeshkopit ndodhen Mitropoliti i Apolonisë dhe Fierit, Nikolla, ipeshkvi Anastas Krougias dhe priftërinjtë Charalambos Giokas dhe Spiridon Topantzas, të cilët ishin bashkëpunëtorë të ngushtë të Kryepeshkopit në ringjalljen e Kishës Ortodokse të Shqipërisë pas periudhës së gjatë të persekutimit. Nga Kisha e Greqisë është i pranishëm nënkryetari i Sinodit të Shenjtë, Mitropoliti i Nafpaktos dhe Agios Vlasios Ierotheos.
Pritja solemne për Kryepeshkopin Anastas do të zhvillohet sot, më 28 janar 2025, në orën 16:00 në Katedralen e Ngjalljes së Krishtit në Tiranë. Mesha Ekzodioze do të mbahet të enjten, më 30 janar, në orën 11:00.
Kisha Ortodokse e Shqipërisë ka shpallur pesë ditë zie kombëtare, nga data 25 deri më 29 janar, për nder të figurës së tij madhore, i cili ka luajtur një rol historik në rindërtimin dhe zhvillimin e Kishës në Shqipëri.
View this post on Instagram