Është dënuar me burgim të përjetshëm partneri i Gjeorgjia Muratit, shqiptares shtatzënë e cila u masakrua me thikë nga 39-vjeçari janarin e kaluar.
Sipas mediave greke, Gjykata e Edessas ka dënuar me 15 vite burg mikun e autorit, pasi dyshohet si bashkëautor dhe se ka ndihmuar këtë të fundit të kryejë vrasjen dhe të zhduk trupin e pajetë të Gjeorgjisë, e cila u gjet në një zonë pyjore pranë Monopigados, e masakruar me thikë.
Dy të pandehurit për vrasjen e Gjeorgjisë, e cila ishte edhe nënë e një vajze të mitur, partneri i saj 39-vjeçar dhe shoku i tij 34-vjeçar, u shpallën njëzëri fajtor për akuzat e vrasjes nga pakujdesia, ndërprerja e shtatzënisë dhe mbajtje dhe përdorim i armëve pa leje.
Për dy personat nuk u identifikuan asnjë rrethanë lehtësuese dhe ata do rikthehen në burgjet ku ndodheshin tashmë.
Sipas të dhënave të mjekësisë ligjore, gruaja fatkeqe, e cila ishte në javën e 7-të të shtatzënisë, ka marrë tre plagë vdekjeprurëse me thikë në pjesën e qafës së mitrës. Vrasja është kryer ditën e ndërrimit të viteve, në banesën e 39-vjeçarit, në Kalamaria, dhe motivi i autorëve duket se ka qenë grabitja.
Pretendimet e palëve
Në seancën gjyqësore 39-vjeçari tha se nuk kishte asnjë lidhje me akuzat ndaj tij, ndërsa shoku i tij deklaroi se nuk e ka kryer ai vrasjen. Në gjyq ka dëshmuar dhe vëllai i viktimës, i cili ishte rrethuar nga punonjës policie për të shmangur ndonjë incident me dy të pandehurit e ulur në bankën e të akuzuarve.
Vëllai i viktimës shtoi se e dinte se që 41-vjeçarja ishte shtatzënë dhe mendonte se ajo nuk ishte e lumtur.
Ndërsa motra e autorit të dyshuar tha se mësoi për rastin e zhdukjes së Gjeorgjisë nga televizioni dhe i bëri përshtypje mënyra se si fliste i vëllai, pasi sipas saj dukej që 39-vjeçari po fshihte diçka.
Dëshmitarja tregoi se nëse do ta kishte njohur viktimën, do ta kishte paralajmëruar që t’i qëndronte larg vëllait të saj pasi e njihte karakterin e tij. Ajo e cilësoi atë si gjaknxehtë dhe manipulues, ndërsa shtoi se 39-vjeçari e kishte dhunuar.
“Motivimi nuk ishin paratë. Dua të di pse e vranë Gjeorgjinë”, tha motra e 39-vjeçarit.