38 pasagjerë humbën jetën të mërkurën pasi Fluturimi 8432 i Azerbajxhanit Airlines u rrëzua teksa tentoi të bënte një ulje emergjente pranë qytetit Aktau në Kazakistan,
Burimet e qeverisë së Azerbajxhanit kanë konfirmuar ekskluzivisht për Euronews të enjten se një raketë ruse tokë-ajër shkaktoi rrëzimin e avionit të Azerbajxhanit Airlines në Aktau të mërkurën. Sipas burimeve, raketa u qëllua në Fluturimin 8432 gjatë një aktiviteti ajror me dron mbi Grozny, dhe copëzat goditën pasagjerët dhe ekuipazhin e kabinës ndërsa shpërtheu pranë aeroplanit në mes të fluturimit. Burime qeveritare kanë deklaruar për Euronews se avioni i dëmtuar nuk është lejuar të ulej në asnjë aeroport rus pavarësisht kërkesave të pilotëve për një ulje emergjente dhe është urdhëruar të fluturojë përtej Detit Kaspik drejt Aktaut në Kazakistan. Sipas të dhënave, sistemet e navigimit GPS të avionit u bllokuan gjatë gjithë shtegut të fluturimit mbi det.
