Manja replika me Gjekmarkaj: Me një valle tropoje ja fute Gjinit dhe e nxore në listë të hapur! Berisha është Ati yt shpirtëror

  • 29 March, 2025

Vijojne replikat “thumbuese” mes dy drejtuesve politik të Lezhës, Ulsi Manja dhe Agron Gjemarkaj.

Ministri i drejtësisë Manja shkruan se Gjekmarkaj duhet të bëj vetë politikë ,

“Më thanë që më paske kthyer përgjigje, o profesor! E si paske thënë sonte aty te salla e vogël në Lezhë, nga ku prezantove dy miqtë e tu, që po të digjet zemra ti shohësh në parlament, o profesor? Që ke At shpirtëror At Zef Pllumin? Dhe që duhet të skuqemi kur ja zëmë emrin me gojë Fishtës?! Që e duam Fishtën patronazhist?!

Eh, mor profesor, kanë filluar të të përzihen mendimet keq, kanë filluar të të bëhen kaçurrel.Që At Gjergj Fishta dhe At Zef Pllumi janë ashta e kombit, do ta thotë historia jetë e mot, sa të ekzistojë kombi shqiptar; dhe që dikush duhet të skuqet pse i përdor këto dy fibra kombëtare se ja do puna për fushatë, këtu ke të drejtë, o profesor Agroni! Këtu ke plotësisht të drejtë!

Unë të thashë që bëj politikë me mendjen e profesorit dhe jo të doktorit tënd , se me mend e tij vetëm “dokrra hinit” nxjerr prej goje. Por po shoh që janë duke të bërë lëmsh mendimet, e të tjera “dokrra hinit” do t’u thuash lezhjanëve. Por ndaje mendjen, profesor: ke At shpirtëror, At Gjergj Fishtën dhe At Zef Pllumin, apo At Sali Komunistin?

Mos u përgjigj vërtik, bluaje pak kandarin, kthema përgjigjen me mendjen e profesorit, se me një valle tropoje ja fute Gjinit dhe e nxore në listë të hapur – aty po u tregove profesor!” shkruan Manja.

Tags:

Artikuj të ngjashëm