Pas kthimit te mandarinave te eksportit nga vendet e Bashkimit Evropian, ne tregun vendas ka rene shitja e tyre.
Prodhuesit e agrumeve në Lushnje pohojnë se çmimi u është përgjysmuar nga 60 lekë për kg në 30 lekë dhe shitjet janë të pakta.
Ky prodhues i agrumeve në Karbunarë tregon se ka ndaluar edhe vjeljen e tyre dhe i trembet prishjes nëse fillojnë ngricat.
Disa ditë më parë, Sistemi Europian i Sigurisë Ushqimore raportoi tre raste të ndotjes me pesticide të mandarinave që vinin nga Shqipëria. Kjo sasi u bllokua dhe u asgjësua në një pikë grumbullimi në Divjakë nga AKU, raporton Top Channel.
Gjithashtu kanë nisur kontrollet tek plantacionet e fermerëve që eksportuan dhe do të bëhen analiza të detajuara rreth preparateve që ata kanë përdorur.