Një muaj e gjysmë ka zgjatur kriza e rezultateve te Liverpool.
“The reds” shpërthyen në javën e 31-të, duke shpartalluar me shifrat e thella 1-6 Leeds United. Një sfidë e zgjidhur shumë shpejt nga ana e skuadrës së Jurgen Klopp.
Gakpo kaloi në epërsi Liverpool pas 35 minutash lojë, ndërsa për të dyfishuar mendoi lojtari më i mirë i sfidës, Mohamed Salah. Egjiptiani shënoi një dopietë personale në këtë takim, teksa dy golësh realizoi Diogo Jota.
Llogaritë e sfidës i mbylli Nunez, duke rritur kështu shanset e Liverpool për të siguruar një biletë për në Kupat e Europës.
“Mendoj se është ndeshja më e mirë që kemi luajtur këtë sezon. Jam shumë i lumtur për lojën e zhvilluar. Mendoj se i kemi detyruar të bëjmë shumë gabime në mbrojtje dhe arritëm që të shënonim” tha Klopp pas sfidës.
Tetë javë nga fundi, Liverpool numëron 47 pikë, i distancuar me 6 nga Tottenham i zonës Europa League dhe 9 pikë nga Neëcastle, që aktualisht mban një pozicion që të dërgon në Champions League sezonin e ardhshëm.