Një grua nga Lezha ka sjellë në jetë fëmijën në ambulancë. Teksa ishte duke u transportuar për në spitalin Shkodrës nëna e re solli në jetë foshnjën e saj.
Për të folur mbi këtë temë në një lidhje me Skype me studion e emisionit “Jetë Shqiptare” në RTSH 1, Blerina Haxhia me profesion mami u shpreh se nëna ishte e frikësuar kur e mendonte që do të lindte në ambulancë.
Haxhia theksoi gjithashtu se lindja në një vend të tillë si ambulanca nuk është e thjeshtë sepse ka vështirësi, lindja normale ka komplikacione.
“Ne ishim në turnin e natës dhe na lajmëroi urgjenca madhore, për një grua që gjendej midis Mabës dhe Bushatit që po lind në makinë. Menjëherë morëm mjetet e duhura, sepse nuk është hera e parë që ndodhin urgjenca të tilla dhe jemi pak a shumë të përgatitur. Guraja ishte nisur me familjarët e saj për të lindur në Shkodër sepse edhe 3 lindjet e tjera i kishte bërë atje. Ky ishte fëmija i katër dhe ka lindur pas 3 djemve, vajzën. Makina e bashkëshortit kishte pësuar defekt në rrugë dhe kishin mbetur përball një lokali. Kur arritëm gruaja ishte afër lindjes, e morëm në ambulance me shpresë që lindjen ta kryenim në maternitet por lindja u krye brenda në ambulancë. Vështirësisë ka sepse kushtet nuk janë, pastaj dihet çfarë komplikacionesh mund të ketë një lindje normale. Gruaja ishte e frikësuar sepse ishte diçka e pazakontë. Të nxjerrësh një jetë të re është emocionuese edhe kur e pret në sallën e lindjes, koincidencë ishte sepse atë dite unë bëja 19 vite punë karrierë si mami dhe ishte emocion për mua dhe padyshim nëna më falënderoi”, u shpreh mamia Blerina Haxhia.
Nëna dhe bebi gëzojnë shëndet të plotë.